Цаг уурын байгууллагаас арав хоногт нэг удаа хийдэг хээрийн цасны хэмжилтийн мэдээгээр 11 дүгээр сарын 30-ны байдлаар нийт нутгийн 70 гаруй хувьд цастай байна.

Үүнээс Алтай, Хангай, Хэнтий, Хөвсгөлийн уулархаг нутаг, Хан Хөхий, Эрээний нуруу, Хархираа Түргэний уулс, Дарьгангын тэгш өндөрлөгөөр 20 см-ээс их, Увсын Улаангом, Хяргас, Сагил, Малчин, Түргэн, Баруунтуруун, Зүүнговь, Наранбулаг, Өндөрхангай, Завханы Их-Уул, Тэлмэн, Тосонцэнгэл, Тэс, Баянтэс, Эрдэнэхайрхан, Цэцэн-Уул, Түдэвтэй, Яруу, Баянхайрхан, Цагаанчулуут, Архангайн Жаргалант, Батцэнгэл, Тариат, Эрдэнэмандал, Төвшрүүлэх, Хөвсгөлийн Цагаан-Үүр, Цэцэрлэг, Жаргалант, Эрдэнэбулган, Рашаант, Булганы Рашаант, Гурванбулаг, Баяннуур, Могод, Дашинчилэн, Хишиг-Өндөр, Сэлэнгийн Ерөө, Хүдэр, Түшиг, Төвийн Алтанбулаг, Өндөрширээт, Эрдэнэсант, Лүн, Улаанбаатарын Багануур, Сүхбаатарын Түмэнцогт, Мөнххаан, Баяндэлгэр, Сүхбаатар, Халзан, Түвшинширээ, Асгат, Эрдэнэцагаан, Уулбаян, Хэнтийн Дадал, Жаргалтхаан, Өлзийт, Баян-Овоо, Цэнхэрмандал, Баян-Адрага, Батноров, Өмнөдэлгэр, Норовлин, Батширээт, Дорнодын Сэргэлэн, Баян-Уул, Гурванзагал, Халхголд 10,1-33,0 см.

Төвийн ихэнх, Говь-Алтай, Завхан, Архангай, Өвөрхангай, Хөвсгөл, Булган, Сэлэнгэ, Орхон, Дорноговь, Хэнтий, Сүхбаатар, Дорнодын зарим, Баян-Өлгий, Увс, Дархан-Уулын ганц нэг сумдын нутгаар 5,1-10 см, бусад нутагт 1-5 см (3 дугаар зураг), хунгарлаж шуурсан газартаа 60 см хүртэл зузаан цастай байна.

Эх сурвалж: ОБЕГ