АНХААРУУЛГЫН ДУУТ ТӨХӨӨРӨМЖ СУУРИЛУУЛНА

Тусгай хэрэгцээт иргэдийг явган хүний гарцаар аюулгүй зорчих нөхцөлийг хангах дуут анхааруулгын төхөөрөмжийг байршуулахаар Нийслэлийн ИТХ-ын төлөөлөгч буюу Сонгинохайрхан дүүргийн Засаг дарга Н.Алтаншагай төлөвлөн ажиллаж байна.

Дуут төхөөрөмжийг тус дүүргийн хамгийн хөл хөдөлгөөн ихтэй дөрвөн байршилд найман гэрлэн дохион дээр нэмэлтээр байрлуулахаар боллоо.

Тус дөрвөн байршилд суурилуулснаар иргэдийн аюулгүй байдлыг хангах, хотын соёлыг түгээх нөхцөл бүрдэх юм.

АНХААРУУЛГЫН ДУУТ ТӨХӨӨРӨМЖ СУУРИЛУУЛАХ БАЙРШИЛ

Хархорин автобусны буудлын зохицуулдаг явган хүний гарц

Лабораторийн автобусны буудлын явган хүний гарц

Жанцангийн уулзварын явган хүний гарц

Хүүхдийн нэгдсэн эмнэлгийн хойд талын автобусны буудлын явган хүний гарц