Жүдо бөхийн Ази тивийн аварга шалгаруулах тэмцээн Хонконгт эхэллээ. 36 орны 272 тамирчин цугласан тэмцээний эхний өдөр эрэгтэй 2, эмэгтэй 3 жингийн барилдаан болов.

Монголын шигшээ баг тус тэмцээнд 18 тамирчнаа илгээснээс эхний өдөр

• эмэгтэй -57 кг жинд Лхагватогоогийн Энхрийлэн Өмнөд Солонгосын Хух Мимиг ялж алтан медаль
• эрэгтэй -66 кг жинд Баттогтохын Эрхэмбаяр Японы Шинсэй Хатториг ялж алтан медаль
• эмэгтэй -52 кг жинд Лхагвасүрэнгийн Сосорбарам Өмнөд Солонгосын Жун Еэринийг ялж хүрэл медаль
• эрэгтэй -60 кг жинд Бямбажавын Цогт-Очир Казахстаны Нурканат Серикбаевыг ялж хүрэл медаль
• эмэгтэй -48 кг жинд Бавуудоржийн Баасанхүү Өмнөд Солонгосын Ли Хикёнгийг ялж алтан медаль

-52 кг жинд АНЭУ-ын нэр дээр барилдаж буй Бишрэлтийн Хорлоодой Азийн аварга болсон бол -57 кг жинд М.Ичинхорлоо хүрэл медалийн төлөөх барилдаанд ялагдаж тавдугаар байр эзэлсэн юм.

Зургийн эх сурвалж: Монголын Жүдо Бөхийн Холбоо