Дэлхийн хамгийн үнэтэй тоглоом бол "Astolat Dollhouse Castle" нэртэй хүүхэлдэйн байшин юм. Уг байшин нь уран баримал, архитектур, инженерчлэл, бүтээлч сэтгэлгээгээрээ жинхэнэ уран барилга шиг хийгдсэн учраас алдартай болж 8.5 сая доллароор үнэлэгдсэн байна.
Энэхүү хүүхэлдэйн байшин нь усан сан, дасгалын өрөө гэх мэт 29 өрөөтэй олон давхартай ба дээрээс нь гал тогоо, дарсны зоорь, подвал, хонгил, шат, зэвсгийн өрөө гэх мэт хийгдсэн 7 давхар барилга юм.
Барилгын уушны өрөө гэхэд жинхэнэ жижигхэн архины шилтэй бөгөөд том танхим, хөгжмийн өрөө, номын сан, албаны өрөөнүүдтэй ба хамгийн дээд хэсэгт сүрлэг цамхагтай хийгдсэн байна.
Энэхүү бүтээлийг хийхэд 13 жил зарцуулсан бөгөөд 403 кг жинтэй юм. Түүний 8,5 сая ам.долларын үнэ нь томруулсан хэмжээгээр тооцлоо гэхэд 1 метр квадрат талбайд 24.425 ам.долларын үнэтэй байдаг нь Нью-Йорк, Лондон дахь тансаг бодит орон сууцнаас ч үнэтэй юм.
0
0
0
0
0
0
