Нэгдүгээр сарын 27-ны энэ өдөр бол Дэлхийн 2-р дайны үеэр гарсан Холокостын эмгэнэлт явдлыг дурсах олон улсын дурсгалт өдөр юм. 2005 оны 11-р сарын 1-ний өдөр НҮБ-ын Ерөнхий ассемблей (UNGA) тогтоол гаргаж, 1-р сарын 27-ны өдрийг Олон улсын Холокостын хэлмэгдэгсдийн дурсгалыг хүндэтгэх өдөр болгон тэмдэглэж байхаар шийдвэрлэжээ.

Адольф Гитлерийн удирдаж байсан Нацист Герман, түүний холбоотнууд, түүний талд ажиллагсдын хэрэгжүүлсэн төрийн дэмжлэгтэй Еврэйчүүдийг системтэй устгах хөтөлбөрөөр Дэлхийн хоёрдугаар дайны явцад Европын 6 сая орчим Еврэйг аймаглан устгасан явдлыг тодорхойлоход хэрэглэдэг нэр томъёо юм. Зарим эрдэмтэд Холокостын тодорхойлолтод бусад олон ард түмнийг, тухайлбал католик шашинтнууд, польш угсаатнууд, цыганууд, Зөвлөлтийн энгийн иргэд, Зөвлөлтийн цэргийн олзлогдогсод, тахир дутуу хүмүүс, ижил хүйстнүүд, жэновагийн гэрч нар, бусад улс төр, шашны өрсөлдөгчдийг сая саяар нь системтэй устгасан хэмээн үздэг аж. Энэхүү тодорхойлолтоор авч үзвэл, Холокостын хохирогчид 11 - 17 сая болж байгаа юм байна.

Хүн төрөлхтний түүхэнд хар хуудаснаа бичигдсэн аймшигт холокостоос хүн бүр сургамж авч ийм хэрцгий түүхийг дахин үл давтахын сацуу хүний ухаанд ч багтамгүй аймшигт аллагын нөхцөл шалтгааныг бүрэлдүүлэгч хүчин зүйлсийг дахин үүсч бий болох учиргүй хэмээн энэхүү өдөр Холокостын хэлмэгдэгсдийн дурсгалыг хүндэтгэх өдөр болгон тэмдэглэдэг.