Одоогоос  14 жилийн өмнө  Apple компанийн гүйцэтгэх захирал Стив Жобс iPhone ухаалаг гар утсыг олон нийтэд албан ёсоор танилцуулжээ.          2007 оны 1 сарын 9-нд зохион байгууллагдсан Macworld үзэсгэлэн дээр Apple компаний захирал асан Стив Жобс Apple компаний анхны загвар болох iPhone Edge буюу iPhone 2G нь танилцуулсан юм. iPhone (Айпон) бол интернэт болон мултимедиа үйлдэлийн зориулалттай Ухаалаг гар утас (Smartphone) бөгөөд Apple компаний бүтээгдэхүүн билээ.  

2007 оны 6 сарын 29-нд АНУ-д борлуулагдаж эхэлсэн. iPhone-ны 5 дахь загвар болох iPhone 4S нь 2011 оны 10 сарын 4-ний өдөр танилцуулагдан, борлуулалтанд гарсан юм. iPhone нь Ухаалаг гар утасны зах зээлд томоохон байр суурийг эзэлж байгаа бөгөөд анхны мэдрэгч дэлгэцтэй (Touch Screen) ухаалаг гар утас юм. 

Өнөөдрийн байдлаар iphone12 загварын ухаалаг гар утас худалдаан гараад байгаа билээ. Тэгвэл гурван сар орчмын өмнө Apple компани iPhone12 загварын ухаалаг гар утасныхаа дөрвөн өөр хувилбарыг шинээр танилцуулж байсан бол  Iphone13 загварын ухаалаг гар утасны танилцуулга сурталчилгаа цахим орчинд хэдийнээ олны хүртээл болоод байна.