Европын зөвлөлийн парламентын ассамблей  1955 оны энэ өдөр өөрийн байгууллагынхаа далбааг албан ёсоор баталжээ. Хожим энэ далбаа нь Европын холбоонд залгамжлагдан ирсэн юм. Далбааг бүтээх уралдаанд олон зуун зураачид оролцсон ба Европын зөвлөлийн аппаратын албан тушаалтан Арсен Хейтцын санал болгосон хувилбар энд ялжээ.

“Барууны цэнхэр тэнгэрийн дэвсгэр дээрх таван хошуунуудын  тойрог нь Европын ард түмний эв нэгдлийг бэлгэднэ. Таван хошууны тоо нь өөрчлөгдөхгүй тогтмол 12 байгаа нь төгс төгөлдрийг тэнгэрийн ордын 12 тэмдэг шигээр үзүүлэн энэ 12 алтан оддын ард  Европын ард түмэн, ирээдүйд Европын энх тайван нэгдэлд орох түмнийг ч төлөөлнө” гэж  Европын зөвлөлийн  сайд нарын хорооны шийдвэрийг тайлбарласан байлаа.