Финланд улс нь Шведийн хэсэг байсан бөгөөд 1809 оноос Хаант Орос Улсын  автономит вант улс болжээ.  Улмаар 1917 оны энэ өдөр буюу 12 сарын 6-нд Оросоос тусгаар тогтносон юм. Финляндын хууль, эрх зүйн түүх ч  энэ үеэс эхэлсэн гэж үздэг. Энэ нь Финлянд улс эхлээд Швед дараа нь Орос улсад эзлэгдсэн байсантай холбоотой гэж үздэг аж. Энэ үед Финляндчуудын хамгийн гол шаардаж байсан зvйл бол хэвлэл мэдээллийн эрх чөлөө байлаа. Тиймээс ч тусгаар тогтнолоо зарласны дараа хамгийн түрүүнд хэвлэл мэдээллийн эрх чөлөөг хуульчилсан аж. Финлянд нь нэг хүнд ноогдох сонин, сэтгүүлийнхээ тоогоор дэлхийд гуравт ордог байна.

1955 оны НҮБ-д, 1995 оны Европын Холбоонд элссэн ба Еврог хэрэглэгч орнуудын холбоо-Еврозонд оролцдог аж. Улсын нийгэм, эдийн засаг, улс төр, цэрэг армийн үзүүлэлтүүдийг авч үзсэн судалгаагаар Финланд нь зөвхөн Норвегийн дараа дэлхийн хоёр дахь тогтвортой орноор тодорчээ.

Өнөөдөр Финлянд улс өндөр технологи бүхий аж үйлдвэр, боловсрол, ДНБ-ий өсөлтийн хурд, иргэний эрхийн хамгаалалт зэргийн олон улсын харьцуулалтаар маш өндөр үнэлгээ авч байгаа юм.