Өнөөдөр Словенийн соёлын өдөр буюу Прешерны үндэсний баярын өдөр юм. Энэхүү өдөр Словенид бүх нийтээрээ амарч өргөн хүрээтэй тэмдэглэдэг байна.

Словений алдарт яруу найрагч, романизмын сод төлөөлөгч бөгөөд Словенийн уран зохиолын хэлийг үндэслэгч Франце Прешерны /1800-1849/ нас барсан өдрийг сонгон энэ өдрийг бий болгохоор 1944 онд шийдвэрлэжээ.

Түүний "Здравица" шүлгэнд ая оруулан өдгөө Словенийн Төрийн дуулал болгосон байна. Словен Улс Төв Европын өмнөд хэсэгт, баруун талаараа Итали, зүүн болон өмнө талаараа Хорват, зүүн хойд талаараа Унгар, хойд талаараа Австри улсуудтай хиллэн орших улс юм. Баруун урд талд нь Адриатын тэнгис байдаг. Нийслэл нь Люблян юм.